வானம் பொழிவது மழை நீர் -நம்
வயலின் தேவை தண்ணீர்
ஞானம் அடைவது முதிர்ச்சி -இதை
நம்பிட மறந்தால் தளர்ச்சி
இரவுக்கு முடிவுரை பகலே -நாட்டில்
என்றும் நிலைப்பது புகழே
உறவுக்குள் விளைவது காதல் -வீணில்
உணர்ந்திட மறுப்பதால் மோதல்
நீரினில் அணையுமே நெருப்பு -என்றும்
நேர்மை அவரவர் பொறுப்பு
பாரினில் உயர்ந்தது நம் தேசம் -உலகில்
பாரதம் செழித்திடப் போடு நீ கோசம
பெண்டிர் என்பவர் நம் அன்னை -பல
பெருமைகள் கொண்டது தென்னை
மண்டலம் போற்றிட வாழ்க -உந்தன்
மனதிலே நல்லவை சூழ்க
இருப்பதைக் கொடுத்தே வாழு -நீ
எங்குமே சமமாய்ப் பழகு
பொறுமை நமக்குப் பெருமை -இதனை
புரிந்திடில் பெறலாம் செழுமை
போட்டி பொறாமைகள் தீது -பலர்
பிழைப்பைக் கெடுப்பது சூது
வீட்டினை விளங்கிட வைப்பாய் -நீயே
வெற்றியை என்றுமே சுமப்பாய்
கருத்துகள் இல்லை:
கருத்துரையிடுக