இன்று 374

நிலவும்    வானும்    கசந்து    போச்சு -அவர்க்கு
என் நினைவு    எனோ  மறந்து    போச்சு
வீசும்    சூடாய்    காற்று    ஆச்சு -நான்
வெம்பித்   தவிக்கும்    நிலையுமாச்சு

கண்ணில்    கண்ணீர்    வழியலாச்சு -கொண்ட
காதல்    என்னையே    வருத்தலாச்சு
விண்ணில்  மறையும்  மேகம்   போல -என்னை
விரும்பி       வந்திடும்    தூக்கம்    போச்சு

தோழிக (ள் )   சேர்ந்து    சிரிக்கலாச்சு -எனது
சுற்றம்    கேலிகள்    பேசலாச்சு
ஆழியலை    போலவே    நெஞ்சம் -தினம்
அவரை    நினைத்துப்    பொங்கலாச்சு

நாளும்    தேதியும்    மறந்து    போச்சு -எனக்கு
நடக்கும்    சேதியும்    நினைவில்    போச்சு
வாழும்    வாழ்க்கை    கேள்வி     ஆச்சு -அவர்
வருவாரெனும்    எண்ணமும்    போச்சு

மண்ணில்     காதல்    பாவமா -எந்தன்
மன்னவர்க்கு    என்மேல்    என்ன கோபமோ
உன்னில்    நானும்    ஒன்று  தான் -நீங்க
உடனே     வாங்க    இன்றுதான்