காதல் கிளி 356

அங்கு   மிங்கும்  அலைந்து   திரிந்தேன் -மன
அமைதி   நாடி   நித்தமும்   வெந்தேன்
மங்கை உனையே   வழியினில்   கண்டேன் -அன்றே
மையல்  அதிகம்  நானும்   கொண்டேன்

நிழலைப்  போல நான்  பின்னால்   நடந்தேன் -நீ
நினைவில்   எதனையும்   கொள்ளவில்லை
பழகிட   நினைத்த   என்னை எனோ -தினம்
பார்த்ததும்   ஏன் ஒன்றும்   சொல்லவில்லை

அன்பை தேடியே   அலைந்த   எனக்கு -நீயும் -
அமுதம்   ஊறும்   இடமல்லவா
பண்பு  காட்டியே   பழகிடுவாயே -இந்த
பாவிக்கு   நல்லின்பம்   தந்திடுவாயே

வானம்   வந்தெனை   வழி மறித்தாலும் -இங்கு
வம்பு  தும்புகள்   வளைத்திடும்  போதும்
 கானக   குயிலே  உன்னையும்   பிரியேன் --நீ
கடிந்து  கொண்டால்  என் உயிர்   துறப்பேன்

ஞாலம்   என்பது   உள்ளவரை  -அதில்
நியாயம்   என்றும்   வெல்லும் வரை
காலம்  முழுதும்   உனையே    தொடர்வேன் -எந்தன்
 காதல்  கிளியே   என்றும் நான் மறவேன்