கன்றும் பசுவும் 369

குடித்தனத்தை   நடத்த    வேண்டி -கோதை
உந்தன்    கையைப்    புடிச்சேன்
மடப்பயலா   நடக்கிறேனே   தெரியுமா -உனது
மகத்துவத்தை   சொல்ல  எனக்கு   முடியலே

ஆனமட்டும்    பேச்சு    பேசு -நீ
அம்புட்டதை   எடுத்து   வீசு
ஈனப்   பொழப்பு   எனக்கினியும்   வேணுமா -தெனம்
விசத்தை   வாங்கி  குடிக்கிறயே   ஞாயமா

குடியினாலே  எங்குடலு    போச்சு -நாட்டில்
கொள்ளை    கொலையும் பெருகலாச்சு
படிப்படியா   நிறுத்திடுவேன்   கண்ணம்மா -நீ
பரவசத்தில்   மூழ்கப்   போறே  என்னம்மா

கேட்டுக்  கேட்டு    புளிச்சுப்    போச்சு -இங்கே
கேவலமாய்    நாமும்    ஆச்சு
வீட்டோட    கிடக்கோணும்    தெரியுதா -உம்மேல
விருப்பமாக   நானிருப்பேன்   புரியுதா

இன்றோட    குடியை    விட்டேன் -இனி
இரவு பகல்   உழைக்கப்    போறேன்
கன்றும் பசுவும்  போல சேந்து   வாழுவோம் -அந்த
கடவுளுக்கும்   நன்றி சொல்லிப்   பாடுவோம்