அழகு நிலா 371

நீரில்     வாழும்     மீனினம் -ஏன்
நில்லாமல்     எங்கும்    ஓடுது
வேரைக்     கொண்ட     மரங்களோ இங்கு
விரும்பித்     தலையை     ஆட்டுது

பசுவை     விட்டு  கன்றுக் குட்டி -எதற்கு
பாய்ந்து     பாய்ந்து     ஓடுது
சிசுவின்    காதில்     தாயும் -நன்கு
சிரிக்க     சேதி     சொல்லுது

மொட்டு     அவிழ்ந்த     முல்லையோ -மனதில்
மோக     வெறி    ஊட்டுது
கட்டவிழ்ந்த     மேனி     என்னவோ -புது
காதல்     சுரம்     ஏற்றுது

புள்ளினங்கள்   வானில்     பறந்து -ஒரு
புதிய  செய்தி     கொண்டு     போகுது
அள்ளி     வரும்     அழகினிலே -வானில்
அழகு     நிலா     சிரிக்குது   

கானில்     வாழும்     உயிரினங்கள் -அட
கணக்கு     பார்த்தல்     இல்லையே
வீணில்     எதற்கு     சண்டைகள் -நீவிர்
விரைந்து     ஒன்றாய்     சேர்கவே