போதை - 548

கண்ணில்   ஆடும்  கலையே   --நீ
காமன்   வடித்த   சிலையோ
உன்னில்  ஆடும்  இளமை  --அது
உயிரைப்  பறிக்கும்  வலிமை

நாணிக்   கோணி   நடப்பாய்  --அதிலே
நாணம்    கலந்து    இருக்கும்
தேனில்  விழுந்த     பழமோ  ---அந்த
தேவ    லோகத்து    அமிழ்தோ

சிரித்து   சிரித்து   வருவாய்   --அது
சீதள      நிலவாய்த்  தெரியும்
எரிக்கும்  கலையினைக்  கற்றாய்  --இங்கு
எதற்கு    வரமெனப்   பெற்றாய்

பின்னல்    சடையினை   இழுப்பேன்  --உனது
பிடியிடை  தொட்டுமே  வளைப்பேன்
கன்னல்     கலந்திட்ட   சாறோ  --நீயும்
காமன்     வந்திடும்   தேரோ

சரசம்  புரிந்திட   வருவாய் --எனக்கு
சகலமும்   எனக்கே   தருவாய்
புருஷன்     ஆவேன்   உனக்கு  --காதல்
போதையில்  வந்திட்டக்   கணக்கு