வெள்ளி நிலா 560

 கண்ணிலாடும்  அழகே    என் கருத்தில்  வடித்த   சிலையே  -உன்னில்
 கரைந்தேன்  கனியே   உறவு  வேண்டும்   இனியே
 விண்ணில்  முளைத்து   உலவும்   வெள்ளி நிலவோ  --நீயும்
 வீசிடும்   மெல்லிய  இளம்   தென்றல்   காற்றோ

கனிந்த   வாழைக்   குலையோ  அந்த    காமன்  விடும்  கணையோ --நான்
 உன்னில்  கலக்க   வரவா   நீ  உரிய   பதிலைத்   தர   வா
 பரந்த   மனமோ   உனக்கு  சற்று   பரிவு   காட்டு   எனக்கு --உன்னை
 பார்த்து   ஏங்கித்   துடிக்கும்  பக்தன்   குறைகள்   கேளாய்

 சிரித்து   வாழ்ந்து   மகிழ   தேவியுனை   நினைத்தேன்  --அதிக
 செல்வம்  சேர்த்து   நாளும்   சீராய்    வாழலாம்  பெண்ணே
 விரித்த   தாழை   மடலே   நீயும்  விண்ணிலாடும்   மீனே  --என்னை
 பிரித்தல்   பாபம்   தோழி  நீயும்  பெருமை  சூழ   நீடு    வாழி

தொட்டுப்   பழகிட  எனக்கு  நல்ல  தோகை  துணையும்  வேண்டும்  --நீ
 விட்டுப்   பிரிய   நினைத்தால்  இங்கு   வேதனை   தான்   மிஞ்சும்
 கட்டுக்   குலையாத   மேனி   கண்ணைப்  பறிக்கும்  வாணம்  --காஞ்சி
 பட்டில்   நெய்த   பொருளோ  எனக்கு   பரிவு   காட்டி   அருளேன் 

அள்ளி  யள்ளிக்  கொடுத்து  உலகில்  அதிக   காலம்   வாழ்வோம் --தினம்
 கல்விப்  பயிரை   வளர்க்க    நிறையக்  காசு  பணங்கள்  சேர்ப்போம்
 பள்ளிகள்  பலவும்   திறப்போம்  பகைமைதனையும்   அழிப்போம்  --அந்த
 பரமனின்   அருளினாலே   நாமும்   பண்புடன்   நன்கு   ஜொலிப்போம்