பருவம் 596

 கொள்ளை     அழகு   உருவம்    --அந்த
 குமரி        நல்ல     பருவம்
 பல்லைக்    காட்டிச்    சிரித்தாள்   --வீணில்
 காதலில்   ஏனோ    வீழ்ந்தேன்

 எல்லை     மீறினேன்     அன்று   --அதனால்
 ஏங்கியே    தவிக்கிறேன்    இன்று
 தொல்லை   அதிகம்    தோழா    --எனக்கு
 தோல்வி   இத்தனை     நாளா

 ஊரும்      சிரிச்சுப்       போச்சு   --என்
 உற்வும்     வெறுத்திட   லாச்சு
 பேரைக்    கெடுத்துக்    கொண்டேன்  --அவளை
  பிரிய    மனமும்    நொந்தேன்

 கால       காலங்கள்     காதல்   --அது
 கைகளை மீறினால்  சாதல்
நல்ல    வழிதன்னை    மறந்தேன்   --இன்று
நாயெனத்    தெருவில்    திரிகிறேன்

இளமை    எண்ணங்கள்    இனிக்கும்   --அவளெனை
 ஏற்றுக்    கொள்கிற   வரைக்கும்
வளமையை    வாழ்விலே    பெறுவேனா    --அந்த
வஞ்சியுடன்     நலமாய்    மகிழ்வேனா