அடிமை 276.

காதல்    அரங்கேறுமா -என்
 கனவு    நிறைவேறுமா
 மோதல்    உருவாகுமா -வந்த
 மோகம்    தலைக்கேறுமா

 ஒன்று    இரண்டாகுமா -இந்த
 உறவே    துண்டாகுமா
 என்று    மணமாகுமோ -அந்த
 இயற்கை    சதி செய்யுமா

 கண்கள்    எனைப்  பார்க்குமா -வரும்
 காலம்    சரியாகுமா
 எண்ணம்    இனிப்பாகுமா -உனது
 இதயம்        கனிவாகுமா

 எனக்குத்    துணை நீயடி -நாளும்
 ஏங்கிக்    கிடந்தேனடி
 பிணக்கு    வரலாமோடி -எனது
 பித்தம்    தெளியாதோடி

 இறக்கம்    வரவில்லையோ -ஏனோ
 என்னை    நினைவில்லையோ
 உறக்கம்    மறந்தேனடி -கொண்ட
 உடமை    துறந்தேனடி

 இளமைத்    துடிப்பில்லையா  -உனக்கு
 எண்ணம்    தெளிவில்லையா
 பழகிட    மனமில்லையா -காதல்
 பருவ       உணர்வில்லையா

 வாழ்ந்திட    வழி காட்டடி -நீ
 வற்றாதப்     பொய்கையடி
 ஆண்டிட    வருவாயடி -நானுனது
 அடிமை    தெரியாதோடி