கொல்லி மலைத் தேன் 275

விண்ணும்    முகிலும் -சேர்ந்து
 விளையாடல்    போலே
 உன்னோடு    நானும் -அன்பால்
 உறவாட    வேண்டும்

 கண்ணே உன்    மடிசாய்ந்து -தினம்
 கதைகள்    கேட்க வேண்டும்
 காணாத    உலகம் -இனிமேல்
 கண்டாக    வேண்டும்

 மின்னாமல்   முழங்காமல் -உடன்
 வருகின்ற    மழை போல்
 பொன்மேனி    உன்னுடலில் -நானும்
 புகுந்தாக    வேண்டும்

 அலையோடு    அலையாக-அதில்
 வாழும்    மீன்போல்
 கலையோடு    காதலில் -நாம்
 கலந்தாக    வேண்டும்

 பாலோடு    சுவையாக -நல்ல
 பழங்களின்     இனிப்பாக
 சேலாடும்    விழியாளே -உன்னை
 சேர்ந்திட    வேண்டும்

 பகலுக்குள்    இரவாகி -நாம்
 பாசத்தில்    உருவாகி
 புதுவாழ்வு    கண்டிட -இன்றே
 புறப்பட    வேண்டும்

 இனியென்ன    சொல்ல -இங்கே
 எவருண்டு    வெல்ல
 கோபமென்ன    மானே -நீ எனக்கு
 கொல்லி மலைத்   தேனே