இந்தியன் 504

நிலவில்  ஆடிடும்  நெஞ்சங்கள் --காதல்
நினைவில்  வாழும்  உருவங்கள்
கனவில்  வருகின்ற  எண்ணங்கள் --தினம்
கண்ணீர்  மழையில்  உருவங்கள்

தேடியே  அமைந்த  திருமணம் --அதில்
திருப்தி  இல்லாத  இரு மனம்
வாடிய  பயிராய்  ஆனது --சிலர்
வாழ்வே  பொய்யாய்ப்  போனது

இருப்பதைக்  கொடுத்து  மகிழலாம் --உன்
இதயத்தில்  அன்பும்  சுரக்கலாம்
விருப்பம்  சரிவர   நடக்குமா --அந்த
விண்ணவன்  கணக்கும்  பொய்க்குமா

சற்றேனும்  கண்களைத்  திறந்திடு --புது
சரித்திரம்  படைத்திட  எழுந்திடு
பற்றுதல்  என்பதும்  பாபமே --அந்த
பகவான்  சொன்னது  வேதமே

இன்றை  நாளையே  தொடரலாம்  --வந்த
இளமை  என்பதும்  மறையலாம்
நன்றி   என்பது  மறக்குமா --நம்
நாடு  உன்னையும்  வெறுக்குமா

ஒன்றெனக்  கூடியே  வாழ்ந்திடு  --நீயும்
உயர்வு  தாழ்வுகள்  மறந்திடு
என்றும்  இணைந்தே  பழகிடு --இனி
இந்தியனாக  உலகினில்  சிறந்திடு