உனக்கு 496

 நிலவில்  ஆடும்   மனது --இரவில்
நினைக்க  நினைக்க  இனிது
களவு  வாழ்வில்   தீது --இதை
கவனமாய்  பிறர்க்கு  ஓது

வாழும்  காலம்   சிறிது --மனித
வாழ்வு  என்பது  அரிது
சூழும்  வினைகள்  கொடிது --அதனை
தூக்கி   எறிந்து   பழகு

அன்பு  காட்டுதல்  நன்று  --அதனால்
அமைதி  வருவது  உண்மை
பண்புடன்  மண்ணில்  வாழு --கொடிய
பாபம்   கண்டால்   விலகு

கருணை  நெஞ்சினில்  தேவை --உன்னை
கண்களால்  மயக்கும்  பாவை
பொறுமை  என்றும்  வேண்டும் --அதுவே
புதிய   வழிகளைத்  தூண்டும்

உழைத்து   வாழ்ந்திடப்  பழகு --நாம்
உணர்ந்து  கொண்டால்  அழகு
களைப்பு  உடலில்  எதற்கு  --நல்ல
காலம்  இருக்கு  உனக்கு