பழுத்த இலை உதிரும் -புது
பச்சை இலை துளிரும்
திளைத்த இன்பம் வேண்டி -வண்டு
தேன் மலரை மூடும்
குயில்கள் கூட்டம் கூடும் -தங்கள்
குரலை கொஞ்சம் காட்டும்
மயீல்கள் வந்து ஆடும் -இள
மான்கள் எங்கும் ஓடும்
காமன் அங்கு வருவான் -உடன்
காதல் பாணம் தருவான்
வேகம் மீறி போகும் -நெஞ்சில்
விரக தாபம் சேரும்
கொட்டும் அருவி யோரம் -காதல்
கொதிப்பும் அடங்கி போகும்
வெட்ட வெளியில் நடக்கும் -அது
விடியும் வரைக்கும் கிடைக்கும்
காற்று வந்து வீசும் -நல்ல
கவிதை உடனே பிறக்கும்
நேற்று இன்று நாளை -என்ற
நினைவே மறந்து போகும்
இன்பம் இன்பம் இன்பம் -அதில்
இணைய மறுத்தால் துன்பம்
அன்பு பெருகி சிறக்கும் -உலகின்
அமைதி காலம் வாழி
கருத்துகள் இல்லை:
கருத்துரையிடுக