ஆலயம் 7 7 1

நிலவு     வரும்    நேரத்திலே     நீந்திடலாமா   ---நீயும்
நானும்     ஒன்றாக     அங்கே    மகிழ்ந்திடலாமா
களவுமுறை   அத்தனையும்   நாம்  கற்றிடலாமா   --என்
கண்மணி    உந்தன்  மனதில்  நானும்  இடம்  பெறலாமா

வட்ட  நிலவை    உனக்காக    வளைக்கப்    போகிறேன்  ---என்
வடிவழகி      உன்னழகை     ரசிக்கப்     போகிறேன்
தொட்டு      உன்னை    நானும்     தூக்கப்    போகிறேன்   ---உன்
துடியிடையில்     நானுமின்று     துயிலப்   போகிறேன்

இதழில்   ஊறும்    கனிரசத்தை    ருசிக்கப்   போகிறேன்   ---உன்
இடை வளைத்து     புது விருந்து    படைக்கப்    போகிறேன்
குழலான    உனது  கூந்தல்      விரிக்கப்     போகிறேன்  --அதில்
கோடி மலர்கள்    தினம்     சொரிந்து    படுக்கப்   போகிறேன்

நடந்து    வரும்     நடையினிலே    பரத  நாட்டியம்    கண்டேன்   ---எனது
நாயகி    உன்னசைவில்     காதல்      மோகமும்    கொண்டேன்
கடக்கப்   போகும்     காலங்களை    கணக்கில்   கொள்ளுவேன்  ---எந்தன்
கற்பகமே     உன்னை யள்ளிச்    சுமக்கப்     போகிறேன்

வாழ்க்கையே    உன்னைச்     சுற்றி      வட்டம்   போடுது  ---நீ
வழங்கப்      போகும்    பரிசுகளை     வாங்கத்    துடிக்குது
ஆழ்மனதில்     உனக்கென   ஒரு    ஆலயம்     அமைப்பேன்   ---அதில்
அழகாக     உன்னை    வைத்துப்    பூசைகள்     செய்வேன்