அழகி 7 4 8

கள்ளச்            சிரிப்பழகி    ----பெரிய
காசளவு        பொட்டழகி
மெல்ல நீ     வருகையில்    ---என்
மேனியே      சிலிர்க்குதடி

தாவணியில்     பார்க்கையிலே ---மனசு
தாவித்      தாவிக்     குதிக்குதடி
ஆவியோ       துடிக்குதடி    ----உன்மேல்
ஆசை     வச்சேன்    பெண்மயிலே

சித்திரை      பொறந்தாலே    ---நமக்கு
சிறப்பாகக்      கல்யாணம்
முத்திரைப்      பவுனிலே   ---உனக்கு
முன்னூறு       போட்டிடுவேன்

காஞ்சிவரம்       சென்று    ---உனக்கு
கச்சிதமாய்      வண்ணப்  பட்டு
வாங்கி      வரட்டுமாடி    ----ஒரு
வார்த்தைக     சொல்லேண்டி
ஏங்கியே       அழுகின்றேனே   ---இது
உனக்கு      கேக்கலியா
தூங்கி     பல    நாளாச்சு   ---அடி
சோறு  கூட    திங்கவில்லையே
கண்களைத்     திறந்து     ---நீயும்
கருணை மழை     பெய்யோணும்
புண்பட்ட       என்மனசுக்கு    ---நீ
புதையலாய்    வரவேணும்