கண்ணில் ஆடும் கனியே ---என்
கருத்தில் வாழும் கிளியே
பொன்னில் செய்த மனமே ---உனக்கு
பூசை செய்வேன் அனுதினமே
எண்ண க் கனவுகள் கோடி ---நாம்
இணைந்து மகிழ்ந்திட வாடி
கன்னல் மொழியோ கவிதை ---என்றும்
கலந்து உண்போம் அமுதை
வானம் தேடிப் பறப்போம் ---பேசும்
வார்த்தை மறந்து ரசிப்போம்
கானம் பாடித் திரிவோம் ----வீசும்
காற்றில் உலவியே வருவோம்
ஒன்றில் சேருமே ஒன்று ---அந்த
உணர்ச்சி வருவது என்று
அன்றில் பறவைகள் ஆவோம் ---இந்த
அகிலம் சிறக்க வாழ்வோம்
இளமை அழகு இனிமை ---இதனை
இருவரும் ரசிப்பது திறமை
களவுப் பாடங்கள் சொல்லு ---உன்
காதலில் என்னையே வெல்லு
