நெஞ்சில் வந்தது நினைவு -தினம்
நினைக்க வருவது கனவு
கொஞ்சுதல் குயி லின் ஓசை -உன்னை
குலவ நெடு நாள் ஆசை
பஞ்சு மெத்தை காலடியோ -அதில்
பட்டு சட்டை மேனியடி
கொஞ்சிடும் விரல் வெள்ளரியோ -தமிழ்
குலவிடும் இதழ் கோவையடி
முல்லை சரம் பல் வரிசை -நல்ல
முழுமை நிலா முகமழகு -
இல்லை என்பது இடையழகு -காதல்
ஏக்கம் தருவது நடையழகு
கண்களில் கயல் இரண்டு -அழகிய
கன்னம் தீஞ்சுவை கற்கண்டு
பெண்களில் நீதான் தலைவியடி -உலகில்
பிழைகள் இல்லா செல்வியடி
கருத்துகள் இல்லை:
கருத்துரையிடுக