இறைவா இங்கே வர வேண்டும் -வரம்
இன்றே நீயும் தரவேண்டும் -உன்னை
மறவா திருக்கும் மனம் வேண்டும் -உலகில்
மகிழ்வாய் வாழும் திறம் வேண்டும்
அழியா புகழைப் பெறல் வேண்டும் -வீணே
ஆத்திரம் கொள்வதை விடல் வேண்டும்
சலியா துழைக்கும் உரம் வேண்டும் -மன
சஞ்சலம் தவிர்க்கும் திடம் வேண்டும்
நல்லதை செய்திட பொருள் வேண்டும் -தினம்
நன்மை நாடிடும் உளம் வேண்டும்
உன்னை தேடிடும் அருள் வேண்டும் -என்றும்
உண்மையே பேசிடும் நிலை வேண்டும்
துன்பங் கண்டேதுவளாமல் -நான்
துடிப்பாய் செயல் பல செய்திடவும்
அன்பால் உலகை வாழ்விக்கும் -நல்ல
ஆக்கமும் வுக்கமும் இனி வேண்டும்
போதுமென்ற நிறை வேண்டும் -பிறர்
புகழ்ச்சியில் மயங்கா நிலை வேண்டும்
சூதும் வாதும் விடவேண்டும் -நான்
சுகமாய் வாழ வரம் வேண்டும்
கருத்துகள் இல்லை:
கருத்துரையிடுக