நிலவு 666

தங்க      நிலவாய்      தளதளக்கும்    ---உன்னை
தழுவி     அணைத்திட   மனம்     கிளுகிளுக்கும்
அங்கம்     முழுவதும்    நல்ல      அழகுமயம்    ---தினம்
ஆண்டு     ரசித்திட      எனக்குள்     ஆசைமயம்

பொங்கிடும்      அருவியாய்       சிரித்திடுவாய்    ---உடல்
பூரித்து       இளமையில்       அழைத்திடுவாய்
திங்களும்      தோற்றிடும்     தேவியடி    ---உனை
தினமும்      நினைத்து     அலையும்     வேலையடி

காலினில்       சிலம்பு       கலகலக்கும்    ---உந்தன்
கைவளை       ஓசையோ      மெய்சிலிர்க்கும்
நாலடி       நடந்தால்     அது      நாடகமாம்   ---இந்த
நங்கை       மனமென்றும்      அறியாப்     பூடகமாம்

இடையெனும்     பொருளே      இல்லாதவள்  ---அவள்
இயற்கை        கல்வியே      கல்லாதவள்
உடையினில்     மறைத்து     உலா      வருவாள்    ---உண்மையில்
எனக்கு      அவள்தான்      உயிர்    தருவாள்

மனதினில்      கோவில்       நான்        அமைப்பேன்   ---என்
மைவிழி        மாதினை      அங்கே      அமர வைப்பேன்
இனித்திடும்      தமிழினில்      பாட்டிசைப்பேன்    ---அவளை
இமைப்       பொழுதும்       பிரியாமல்      வாழ்ந்திடுவேன்