சித்திரை 655

சித்திரை      மாசம்     பொறந்தாச்சு     ---மனசில்
சில்லென்று    ஆனந்தம்     வந்தாச்சு
இத்தரை     எங்கிலும்     பசுமையடி    ---நம்
இந்தியா    சிறந்திடப்     பாடுங்கடி

கூடியே     நின்று     கும்மி      போடுங்கடி    ---நம்
குடும்பங்கள்     வாழ்ந்திட    வேண்டுங்கடி
ஓடியாடி      நன்றாய்    உழைத்திடுவோம்     ---இங்கு
உழவுத்       தொழில் செய்து    வாழ்ந்திடுவோம்

பெண்களைப்       பெரிதாய்     போற்றிடுவோம்     ---அவர்கள்
பெருமையாய் சுகம்பெற      செய்திடுவோம்
கண்களைப்       போன்றது      கற்பாகும்    ---அதனை
காப்பது         அனைவரின்     பொறுப்பாகும்

சாதிசமய       பேரை      சொல்லி     ---இங்கு
சண்டைகள்      எதுவும்     மூட்ட    வேண்டாம்
நீதி வழி       சென்று       வென்றிடுவோம்    ---தர்ம
நியாயத்திற்காக      உயிர்       தருவோம்

படைப்பினில்       மனிதர்கள்       சரிசமமே    ---அதை
பார்த்து    தெளிவது       நல்மனமே
கிடைப்பதை    பிடித்து     முன்னேறு   ---எந்த
கேலிக்கும்    உழைப்பால்    பதில் கூறு