புதிய வாழ்வு 237.

நிலவைப்   பார்த்து   ரசிப்பேன் -உன்னை
 நினைச்சுப்   பொழுதைக்   கழிப்பேன்
 விளக்கம்   என்னம்மா   கண்ணே -அதையும்
 விரைந்து   சொல்லு   பெண்ணே

 துட்டு   நிறைய   இருக்கா -அட
 சொல்லிப்   போடு   சுருக்கா
 வெட்டிப்   பேச்சு   வேணாம் -நீ
 விரசா   ஓடுய்யா   தூரம்

 கோவம்   எதுக்கு   மானே -உன்னை
 கொஞ்ச   வேணும்   நானே
 மாமன்   முறையா   ஆவேன் -நானே
 மணக்கப்   போறேன்   தானே

 ஊரு   பாத்தா   உதைக்கும் -இப்ப
 உனக்கு   இதுவா   பொழப்பு
 பேரு   கெட்டுப்   போகும் -பொறவு
 பெருசா   சண்டை   மூளும்

 வானம்   எட்டிப்   பிடிப்பேன் -எனது
 வாழ்க்கை   முழுதும்   சுமப்பேன்
 தானம்   பெருசு   அம்மா -உனது
 தாளில்   கிடப்பேன்   தஞ்சம்

 இருவரும் ;சண்டை   போட்டுக்   கிடந்தோம் -நாம்
 சமரசம்   ஆகியே   இணைந்தோம்
 பெண்டு   பிள்ளை   பொறக்கும் -இனிமே
 நமக்குப்   புதிய வாழ்வு   கிடைக்கும்