கனவு நனவாக -வரும்
காலம் துணையாகும்
நினைவு சரியாக -வாழ்வில்
நேர்மை வழியாகும்
உள்ளம் பெரிதாக -வாழும்
உலகம் சிறிதாகும்
கள்ளம் புகுந்தாலோ -எங்கும்
கலகம் உருவாகும்
இளமை பயிராக -மனதில்
ஏக்கம் வரவாகும்
நிலைமை உணர்ந்தாலோ -வாடும்
நெஞ்சம் தெளிவாகும்
துணிவு பிறந்தாலோ -வந்த
துயரம் பறந்தோடும்
பணிவு நிறைந்தாலோ -போகும்
பாதை எளிதாகும் !
கருத்துகள் இல்லை:
கருத்துரையிடுக