புண்ணான நெஞ்சம் பூவாக மாறும் --நல்ல
புதுமைகள் தானே எந்நாளும் வாழும்
பொன்னான பொருளும் புகழ்வந்து சேரும் --என்
புருசோத்தமன் அருளால் எல்லாமும் கிடைக்கும்
எண்ணாமல் நானும் இருப்பேனோ கண்ணா -என்
இன்னலை தீர்த்திட நீ இசைவாயோ மன்னா
உன்னாலே உலகில் உயிர் வாழ்கின்ரேன் --உன்
உறவின்றி எனக்கு வேறு கதி எது கண்ணா
நிலவாக வந்து நெஞ்சத்தில் அமர்வாய் ---உன்னை
நினைந்தவர் தமக்கு மனநிம்மதி தருவாய்
பலகாலம் உனக்குப் பணிவிடை செய்வேன் ---என்
பரந்தாமன் திருப்பாதம் எனக்குப் பரம சந்தோஷம் 829
ஆதி நாயகன் ;
ஆதிநாயகன் அவனியை ஆள்பவன் --நல்
ஜோதி வடிவினன் சுந்தர முகத்தோன்
வேதியர் தொழுதிடும் விமலனின் மயிந்தன் --உலகில்
நீதியைக் காப்பவர் நினைத்ததை அருள்பவர் 827
பாலசுப்ரமண்யர் ;
சின்னவர் சிறியவர் என்றாலும் ---நம்
சிவனாரின் அருந்தவப் புதல்வர் அன்றோ
கன்னல் தமிழும் அவர் காலடி தொழுதிடும் ---எண்ண
இனியரை உலகில் எல்லோரும் வணங்குவீர் 828
அறிவால் உன்னை அளந்தேன் - உன்
அழகால் என்னையும் கவர்ந்தாய்
வருவாயென நானும் அழைத்தேன் --என்
வாழ்வே நீயென நினைத்தேன்
நெஞ்சில் கனலையும் மூட்டினாய் --எனக்கு
இதயத்தை திறந்து நீயும் காட்டுவாய்
கொஞ்சிட வந்திடு என் கோமளம் ---நீ
கோடியில் சிறந்த மாணிக்கம்
நிலவும் எனக்கு சுடுகிறது --உன்
நினைவோ எனக்கு இனிக்கிறது --
வீசிடும் காற்றும் எரிகிறது --உன்
வேல்விழி என்னையும் இழுக்கிறது
என்குறை உனக்கு புரியாதோ ---நான்
ஏங்குதல் இன்னும் தெரியாதோ
பெண்மனம் கொஞ்சமும் மாறவில்லை --இந்த
பேதையின் துயரமோ தீரவில்லால்
கண்கள் நிறைந்திட காட்சியுண்டு --இந்த
காதலி கிடைத்தால் மீட்சியுண்டு
