காதல் 630

உலகம்      முழுதும்      நிறைவதென்ன     ---நம்
உள்ளம்    என்றும்      அலைவதென்ன
கலகம்      வருகின்ற     காலமென்ன   ---மனம்
களிப்பினில்    மூழ்கிடும்     வேகமென்ன
      காதல்          காதல்         காதல்
இரவும்      பகலும்      வளர்வதென்ன     ---அந்த
இயற்கை      வளர்க்கும்      ஜாலமென்ன
உறவை     பெருக்கும்     உண்மையென்ன   ---தினம்
உழன்றுத்     தவிக்கும்     கோலமென்ன
    காதல்       காதல்        காதல்
ஆசைகள்     அதிகம்       வளர்வதென்ன    ---கனவில்
அன்பரைக்    கண்டு     மகிழ்வதென்ன
ஏழை யின்     நெஞ்சிலும்     நுழைவதென்ன   ---வரும்
இளமையே     துன்பமாய்     தெரிவதென்ன
    காதல்       காதல்       காதல்
உயிரில்     துடிக்கும்      ஓசையென்ன     ---இங்கு
உண்மையே      பொய்யாய்     போவதென்ன
மனதில்       பொங்கும்    மகிழ்ச்சியென்ன    ---நாளும்
மலர்ந்து     வழிந்திடும்     கிளர்ச்சியென்ன
     காதல்        காதல்        காதல்
எடுக்க       வளரும்      இன்பமென்ன ---எனோ
இணைய      மறுத்திடும்    துன்பமென்ன
படிக்க       இனித்திடும்      பாடமென்ன    ---நேரில்
பார்த்து     ரசித்திடும்       பருவமென்ன
    காதல்       காதல்       காதல்

(உலகெங்கிலும்  கொண்டாடப்பெறும்    காதலர்தினத்திற்காக 

இந்தப்பாடல்      எழுதப்பட்டது    14-02-2019 )